Тактичката вежба „Црно Море 2026“ започна во територијалните води на Бугарија

Тактичката вежба „Црно Море 2026“ започна во територијалните води на Република Бугарија, јавува бугарското Министерство за одбрана. До 12 јуни, борбени и помошни бродови, како и формации од составот на Военоморските сили на Бугарија, ќе извршуваат задачи поврзани со активности за заштита на морскиот суверенитет на земјата.

Во вежбата учествуваат екипажи и техника од военоморските бази во Варна и Бургас, кои ќе тренираат заеднички активности во услови што се максимално приближени до реалната оперативна средина.

Главното внимание е насочено кон зголемување на способностите за управување со силите на море, координација меѓу одделните формации и донесување одлуки при извршување на тактички задачи.

Раководењето со вежбата му е доверено на командантот на Флотилата на борбени и помошни бродови, флотилен адмирал Радко Пенев.

„Црно Море 2026“ е дел од подготовката на Военоморските сили за одржување на подготвеност за реакција при појава на различни предизвици во морските простори на земјата и за извршување на задачите поврзани со гарантирање на безбедноста во Црноморскиот регион.