АЛБАНСКИОТ ТЕАТАР ВЕЧЕРВА СО ПРЕМИЕРА НА „СМРТТА НА ДАНТОН“ ВО РЕЖИЈА НА ДИНО МУСТАФИЌ

Вечерва (24 мај 2018), со почеток во 22 часот, на сцената на Театарот Комедија, Албанскиот театар од Скопје премиерно ќе ја изведе претставата „Смртта на Дантон“ од Георг Бихнер, во режија на Дино Мустафиќ. Во претставата играат Рефет Абази, Луран Ахмети, Гзим Zherka, Фисник Зеќири, Музбајдин Ќамили, Осман Ахмети, Хамди Рашиди, Генци Мирзо, Амернис Нокшиќи, Илир Речи, Сокол Хајрулаи, Асдрен Селими, Бесфорт Идризи, Берат Махмут, Ајше Усеини, Аријан Ејупи, Фатон Ибрахими, Кујтиме Ахмети, Таулант Дестани и Орфеј Асланај. Драматург е Жељка Удовичиќ Плештина, сценографијата е на Драгутин Броз, костимите на Инес Гоља, музиката на Оливер Јосифовски, а кореограф е Ѓерѓ Превази. Оваа соработка на Албанскиот театар со познатиот режисер Муастафиќ е проект финансиран од страна на Министерството за култура. По долг временски период, на сцената се враќа актерот Рефет Абази, а во претставата играат и значителен дел од новодипломираните актери, студенти на факултетите за драмска уметност во Скопје и Тетово.



Претходна статија

ИЗЛОЖБА НА ИЛИНА АРСОВА ВО ПРИЛЕП

Следна статија

ВО МНТ ГОСТУВА ПРЕТСТАВАТА „АЈНШТАЈНОВИТЕ СОНИШТА“ НА ЈУГОСЛОВЕНСКОТО ДРАМСКО ПОЗОРИШТЕ

Најново од Култура