Деветгодишниот Никола е херој на денот, донираше матични клетки за неговата сестра која боледува од акутна леукемија

/

Никола, кој има девет години е херој. Тој е донатор на матични клетки за неговата сестра на која и е потребен третман со трансплантација на матични клетки. Процедурата афереза на периферни матични клетки, во која донатор е дете, се изведува за прв пат кај нас на Клиниката за хематологија со помош на Клиниката за педијатрија.

Како што велат од Министерството за здравство, со оваа соработка на двете клиники се отвара можност и педијатриски пациенти и донори да бидат лекувани со овие најсофистицирани медицински интервенции.

Сега пациентите нема да патуваат во странство, а и децата ќе може да спасуваат животи на членови на нивните семејства. На Клиниката за хематологија, во период од 3 години се реализирани над 150 трансплантации, од кои 6 хаплоидентични трансплантации, 20 трансплантации од несроден донор, најсложени интервенции заради кои во минатото пациентите беа праќани за третман во странски центри.

Резултатите од третманот со овие интервенции се идентични со оние од европските центри за трансплантација и се пријавуваат во базата на Европската група за трансплантација на матични клетки (ЕБМТ) во која членува и тимот за трансплантација на клиниката од 2003 година.



Министерот Венко Филипче за оваа заложба, посветеност и екпертиза честиташе на медицинскиот тим предводен од проф. д-р Ирина Пановска Ставридис и на шефот на Одделот за трансплантација на матични клетки д-р Александра Пивкова Вељановска.

Извор: zoom.mk

Претходна статија

Концерт за виолончело и пијано вечерва на Охридско лето, рускиот виолончелист Кирил Родин и бугарската пијанистка Жени Захариева

Следна статија

Приведен разбојник во Кочани

Најново од Вести

Заев и Бочварски на патот Пробиштип-Крупиште: Изградбата и рехабилитацијата на патиштата е приоритет заради поврзување на регионите и за побрз економски развој

Голем број инфраструктурни проекти се изведуваат со засилено темпо и да ги испочитуваат роковите за исполнување