Прво пристап до нивите, па потоа пат-Земјоделци ја блокираа изградбата на експресниот пат Штип-Кочани

/

Земјоделци од селата Спанчево, Соколарци и Бања во општина Чешиново-Облешево, денеска излегоа на двочасовен предупредувачки протест, при што со земјоделска механизација го блокираа сообраќајот и изградбата на експресниот пат Штип – Кочани.
На тој начин искажаа незадоволство зашто и покрај нивните реагирања и упатени писмени барања до надлежните државни институции, не добиле, како што рекоа, одговор како ќе им се реши пристапот до нивите кои остануваат отсечени со комплетирањето на новата сообраќајна врска.

-Се работи за над две илјади хектари оризови површини до кои ние воопшто не можеме да дојдеме ни пеш, а уште помалку со земјоделската механизација. За два месеца ќе почне жетвата на оризот, ама не знаеме ниту од каде ќе влезат комбајните, ниту од каде ќе го изнесеме ожнеаното од нивите. Со изведбата на експресниот пат не е обезбедено никакво поврзување со постојните полски патишта што земјоделците ги користат со децении, истакна Јоце Митров, земјоделец од Спанчево.



Извор: zoom.mk

Претходна статија

ФОТО: Падна дрво во Дебар Маало, повреди дете и уништи автомобил

Следна статија

Направени 4264 тестови, регистрирани 37 нови случаи на Ковид 19

Најново од Вести