Остра реакција на Демократски сојуз: Се фаворизираат ВМРО-ДПМНЕ, СДСМ, ДУИ и Алијанса за Албанците

/

Демократскиот сојуз на седницата на собраниската Комисија за политички систем ќе предложи суштински амандмани на предлог измените на Изборниот законик, но сепак, сметаат дека поради монополот што го имаат предлагачите на законот, во парламентот нема услови за корегирање на текстот, поради што бараат да се повлечат измените на Изборниот законик.

Инаку, Демократскиот сојуз предлага процентот на потребни потписи од вкупниот број на запишани гласачи како услов за кандидирање независни листи на советници и градоначалници да биде 0,3 отсто, потоа целосно бришење на одредбите за отворени листи и прагот од 3 отсто за пласман во горниот дел на листата, платениот рекламен простор да се дели подеднакво на сите партии, а да се предвиди и време за независни листи и кандидати.

Натаму, да не се лимитира пристапот до социјалните мрежи и интернет порталите, и целосно да се исфрлат ограничувањата за платено политичко рекламирање.

Во предлог измените на Изборниот законик има решенија кои ќе предизвикаат конфузија на претстојните локални избори, многу неважечки ливчиња, како и целосно некредибилен изборен процес.



Демократскиот сојуз смета дека не се обезбедени услови за фер, демократски и слободни избори.

Со измените се фаворизираат само четирите партии (ВМРО-ДПМНЕ, СДСМ, ДУИ и Алијансата на Албанците), предлагачи на законот.

Извор: zoom.mk

Претходна статија

Колев за „Отворен Балкан“: Некој ја редифинира меѓународната насоченост на земјата

Следна статија

Џафери потврди, избори на 17-ти октомври, ќе ги распише следната недела

Најново од Вести