Пендаровски: Дел од вината за одложувањето на интеграцијата е и кај Брисел и европските партнери

/

Македонскиот претседател Стево Пендаровски изјави дека раководството на Европската унија и европските партнери се одговорни за одложувањето на процесот на интеграција на земјава и Турција, кои со години имаат статус на кандидати.

„За жал, европските приказни за обете земји не се успешни. Никој не е виновен, би сакал да барам вина кај нас, но не можам да избегнам да зборувам за голата вистина. И нашите европски партнери и Брисел имаат дел од вината за тоа“, изјави Пендаровски за турската новинска агенција Анадолија.

Пендаровски додава дека Северна Македонија чека во процесот на интеграција во ЕУ повеќе од 16 години од 2005 година.



„Сѐ уште го чекаме почетокот. Чекаме почеток на преговори, а не за влез во ЕУ. Заедно со долгогодишните несогласувања што ги имаме со соседна Грција, друг проблем се блокадите што доаѓаат од нашиот источен сосед Бугарија“, рече Пендаровски.

Извор: РСЕ

Претходна статија

Османи: Во моментов само претседателот Радев може да го повлече ветото

Следна статија

Заев на работен појадок со амбасадорите на земјите од Вишеградската Група

Најново од Вести