Села денес во судица за насилствата на 27 април во Собранието
Лидерот на Алијанса за Албанците Зијадин Села дојде во Основниот суд Скопје 1 како сведок и оштетен, на судењето за обид за убиство врз него на 27 април во Собранието лани.
На претходното рочиште адвокатот на Села побара отштета за својот клиент во висина од 30 милиони денари. Средствата што се бараат како отштета се за материјалните трошоци за лекувањето на Села, како и за претрпената физичка болка, повреда на личниот интегритет и за претрпен страв.
Во овој случај обвинети се Кире и Цејо Ѓорѓиевски, Оливер Ошавковски, Саша Ценков, Николче Димитриевски, Александар Јаневски – Тошта, Андреј Мицов, Никола Војминовски, Коста Делов и Стојан Павловски – Кобра.
