СКОПЈЕ ПРВ ДЕН БЕЗ ЗАБОЛЕН ОД КОВИД-19, ДВАЈЦА ПОЧИНАТИ И 13 НОВИ СЛУЧАИ

/

Двајца починати и 13 новозаразени од ковид-19 се регистрирани изминатово деноноќие, информира Министерството за здравство, пренесува Плусинфо.

Во ГОБ „8 септември“ почина пациент од Прилеп на возраст од 55 години, хоспитализиран на 22 април, кој 13 дена бил приклучен на респираторна машина. Во болницата во Битола почина пациент хоспитализиран на 4 мај како сомнителен на ковид-19, чиј брис постмортем покажал присуство на вирусот.

Во изминатите 24 часа направени се 292 тестирања, а потврдени се 13 нови случаи на ковид-19 и тоа во: Куманово 1, Прилеп 3, Тетово 3, Велес 5 и Битола 1.

Институтот за јавно здравје денескс регистрира 44 оздравени пациенти во: Скопје 5, Куманово 12, Прилеп 9, Велес 12, Битола 2, Кавадарци 1, Крушево 1, Неготино 2.

Согласно ова вкупната бројка на ковид дијагностицирани во нашата земја од почетокот на епидемијата изнесува 1.539 , бројката на оздравени пациенти е 1.057, на починати е 88, а во моментов бројот на активни случаи во земјата изнесува 394. Последната дистрибуција по градови е следна: Скопје – 515, Куманово – 402, Дебар – 51, Штип-34, Прилеп –162, Тетово – 93, Струга – 67, Велес – 86, Битола –20, Охрид –15, Кавадарци – 5, Гостивар –17, Гевгелија – 4, Струмица – 2, Крива Паланка-5, Радовиш – 4, Крушево – 3, Кочани – 31, Пробиштип – 2, Кичево – 2, Неготино -9 (*7 заболени лица од ПЕ Неготино се жители на Демир Капија), Демир Хисар – 1, Македонски Брод -2, Пехчево- 2, Делчево-1, Валандово -1, Виница – 2, Кратово-.

Направените 292 теста се преку: ИЈЗ 170, Ветеринарен факултет 23, Авицена 10, Биотек 30, Клиника „Жан Митрев“ 23, Систина со PCR метода 12 и МАНУ 24. Досега во земјата се направени вкупно 17.836 тестирања на ковид-19.



Во изминатото деноноќие на Клиниката за инфективни болести и фебрилни состојби примен е 1 пациент, а вкупно хоспитализирани 42. На кислородна поддршка се 15, а на механичка вентилација 3 пациенти.

Во ГОБ „8 Септември“ примени се 5 нови пациенти, а вкупно хоспитализирани 17. На респираторна машина е 1 пациент, а уште 4 се со потешка клиничка слика.

Во болницата во Битола се лекуваат 3 пациенти, а на домашно лекување се следи еден пациент. Во болницата во Штип се хоспитализирани вкупно 4, а уште 3 се следат на домашно лекување. На инфективните одделенија во Прилеп, Велес, Куманово, Охрид и Тетово се хоспитализирани 54 позитивни и суспектни на ковид-19.



Претходна статија

МАКЕДОНСКА БЕРЗА И ЦЕНТРАЛНИОТ ДЕПОЗИТАР ЗА ХАРТИИ ОД ВРЕДНОСТ ДОНИРАА 1.000.000 ДЕНАРИ ЗА МИНИСТЕРСТВОТО ЗА ЗДРАВСТВО

Следна статија

КОВИД-19 ЈА ЗАПОЧНАЛ ВОЈНАТА СО СВЕТОТ УШТЕ ВО 2019 ГОДИНА

Најново од Вести