Таткото се обидел да ги спаси децата преку терасата, но вратата се заглавила -Нови детали за пожарот во кој изгореа четири деца

Четири деца утрово загинаа во страотен пожар што избувна во стан на шестчлено семејство во Нови Пазар, додека родителите се здобија со тешки телесни повреди.

Противпожарната служба, брзата помош и полицијата веднаш пристигнале на местото на настанот, но за жал немало начин да се спасат децата.

Децата како што пишуваат медиумите, биле пронајдени во една соба, а се претпоставува дека починале од вдишување на чад.

Таткото се обидел преку терасата да влезе во детската соба, но не успеал да ја пробие вратата која била заглавена.

Таткото на повредените деца, родум од Египет, добил изгореници на 45 отсто од телото, а мајката се здобила со изгореници од втор и трет степен на 18 отсто од телото.

Причината за пожарот се уште не е позната, а се шпекулира дека пожарот го предизвикал греалка или шпорет.

„Има четири мали деца, знаете како оди, работите се оставаат да се исушат, веројатно нешто се запалило и така настанал пожарот, сестра ми е мажена за Египќанец, била домаќинка, додека деверот работеше. Утрово и двајцата беа таму, но судбината сакаше да им ги одземе животите на нивните деца, а нивните животи беа доведени во прашање“, изјави братот на мајката на децата кои загинаа за „Блиц“.

Полицијата соопшти дека нивните припадници веднаш по пријавата за една минута излегле на местото на настанот.