ТОПЛОТЕН БРАН ВО ИТАЛИЈА, АКТИВИРАН ЦРВЕН АЛАРМ ВО ДЕСЕТ ГРАДОВИ

Топлотниот бран од Северна Африка донесе температури до 40 степени во Италија.

Десет градови се означени со црвена боја, што е предупредување за екстремно високи температури.

Според билтенот на италијанското Министерство за здравство, алармот се активира во Рим, Болоња, Торино, Фиренца, Кампобасо, Пескара, како и во градовите Риети, Фрозиноне, Болцано и Перуџа.

Како што е наведено, невреме и грмежи се очекуваат следната недела во централниот дел на Италија.

Извор: Макфакс