Во Софија одбележани 1008 години од смртта на бугарскиот цар Самоил
Пред споменикот на бугарскиот цар Самоил во Софија, денеска се одбележаа 1008 години од неговата смрт.
Претставници на единицата на Националната гарда и репрезентативниот дувачки оркестар на гардата ги пречекаа граѓаните, учениците, студентите и официјалните претставници на свечена церемонија во центарот на Софија, организирана од општина Софија и Фондацијата Бугарска памет на д-р Милен Врабевски.
Настанот се одржа пред споменикот на царот Самоил, откриен во 2015 година, поставен по иницијатива и со финансирање од самиот д-р Врабевски.
Свечената програма ја водеа учениците од училиштето „Цар Симеон Велики“, село Ивањане. Специјален гостин на настанот беше еден од авторите на наставното помагало по историја „Моја Бугарија“, создадено по иницијатива на д-р Врабевски и Фондацијата Бугарска памет – историчарот професор во СУ „Св. Климент Охридски“ проф.д-р Пламен Митев, кој ги запозна присутните со интересни факти од животот и владеењето на царот Самоил.
Фотографии: Димитар Ќосемарлиев, BgOnAir.
