КОСОВКА ТЕШКО ПОВРЕДЕНА ВО СООБРАЌАЈНА НЕСРЕЌА НА АВТОПАТОТ ТЕТОВО – СКОПЈЕ
Автомобил „Бе-ем-ве“ со косовска регистрација изгубил контрола и удрил во оградата на автопатот Тетово – Скопје во попладневинте часови на 24. септември.
Како што информираат од МВР, автомобилот бил управуван од 32-годишен Косовец, а од ударот тешко е повредена неговата 29-годишна сопатничка, исто така од Косово.
Таа веднаш по несреќата била пренесена во Комплексот клиники „Мајка Тереза“ за укажување на лекарска помош.
Увид на местото на настанот извршила екипа од СВР Скопје и се работи на расчистување на случајот.
