Свлечиште во Италија затрупа неколку згради и автомобили, 13 лица се исчезнати

Рано утринава на италијанскиот остров Искија неколку лица се водат за исчезнати по лизгање на земјиштето предизвикано од силен дожд. Свлечиштето затрупа неколку згради и автомобили, објави новинската агенција Анса, повикувајќи се на локалната полиција.

Италијанската противпожарна бригада од градот Казамичоли на Твитер објави дека „во тек е потрагата по исчезнатите лица“.

Свлечиштето повлече еден автомобил во морето, а двајцата патници се спасени, додаваат пожарникарите. Италијанските медиуми објавија дека се трага по вкупно 13 лица, а властите ги повикаа граѓаните да не ги напуштаат своите домови.

Seguiamo da ore con angoscia quanto successo a #Ischia, con il pensiero che va alle famiglie e ai soccorritori che operano con un tempo infame.
Mettere in sicurezza l’Italia, da nord a sud, sarà quello su cui tutti dovremo lavorare giorno e notte. pic.twitter.com/tfXyS0XLq7— Matteo Salvini (@matteosalvinimi) November 26, 2022

Извор: МКД.мк