Фолклорен танцов театар „Родина“ се вклучи во културната програма „Илинденски денови“ на Битола

Фолклорниот танцов театар „Родина“ од Варна со раководители Даниела Колева и Мартин Костов е вклучен во културната програма на 53. Меѓународен фестивал „Илинденски денови“ на покана на Центарот за култура во Битола.

Бугарското учество на „Илинденските денови“ во Битола започна на 21.07. со претставување на краткиот филм на режисерот Владимир Андонов „Љубов“ (Ask), во рамките на истоимениот Меѓународен фестивал за етнографски филм.

Овогодинешната програма на Фестивалот вклучува актерски, музички и вокални изведби, етнографски филмови, семинари, изложби и презентации, кои се фокусираат на фолклорот и традициите.

Покрај бугарското учество од Варна, на фестивалот учествуваат над 1.200 изведувачи од РСМ, Чиле, Грузија, Мексико, Србија, Хрватска, Италија, Ирска.

Од 2017 година оваа традиционална манифестација на народното творештво, со која Битола традиционално го слави избувнувањето на Илинденското востание, е сертифицирана како дел од фестивалите на Меѓународниот совет на организации на фолклорни фестивали – (CIOFF).