Обвинителство да постапи по скандалот на градоначалниците на ДПМНЕ со купувањето поскапи машини, вели Каевски
Надлежното Јавно обвинителство мора да постапи и да ги истражи сомнителните јавни набавки со астрономски цени во општините под капата на ДПМНЕ. Новата афера на градоначалниците на ДПМНЕ, кои купувале неколкупати поскапи машини од реалната цена, мора да се расчисти, вели пратенкот и портпарол на СДСМ, Дарко Каевски.
„Овие документи, кои се и јавно достапни, покажуваат дека Општина Битола за речиси 50.000 евра набавила машина за бележење хоризонтална сигнализација. Општина Велес исто така под капата на ДПМНЕ купила иста таква машина по цена од 40.000 евра. Овие цени се драстично повисоки од реалните цени на пазарот. Исти вакви машини може да се најдат и по 3 и до 5 пати помали. Општина Илинден, на пример, и многу други општини набавиле таква машина по трипати пониска цена од астрономските цени што се платени во општините Велес и Битола“, рече Каевски и додаде:
„Очекуваме надлежното Јавно обвинителство да отвори истрага за оваа афера“.
