Пакистан: Во експлозија на бомба загинаа девет лица, меѓу кои пет деца
Најмалку девет лица загинаа денеска, меѓу кои пет деца, кога моќна бомба прикачена на мотоцикл експлодирала во близина на полициско возило во југозападен Пакистан, соопштија официјални лица.
Началникот на локалната полиција Фатех Мохамад изјави дека нападот, во кој беа повредени 17 други, се случил во областа Мастунг во провинцијата Балучистан, пренесе АП.
Тој појасни дека во близина на експлозијата имало отворено возило со ученици, при што загинале пет деца, а загинале и еден пешак и еден припадник на полицијата.
