(Видео) Рајков: Нема причина за загриженост по иранската нота до Бугарија
Нема основа за зголемена загриженост кај бугарските граѓани по повод иранската нота поврзана со американските авиони на аеродромот во Софија, кои учествуваат во вежба на НАТО, изјави заменик-министерот за надворешни работи Марин Рајков, јавува БГНЕС.
„Нема основа за раст на загриженоста кај бугарските граѓани. Со Иран одржуваме нормални и непроменети дипломатски односи. Нема намалување на нивото на овие односи. Комуникацијата се одвива на природен начин. На Иран му е јасно објаснето дека Бугарија не е во војна и не се подготвува да учествува во воени активности, а парламентот нема донесена одлука за учество во конфликтот во регионот на Ормускиот теснец“, изјави Рајков.
Тој нагласи дека „нотата на Иран не треба да се разгледува како повод за загриженост или непотребен страв кај граѓаните“.
„НАТО исто така не е во војна во моментов. Сакам да нагласам дека над Бугарија не летаат борбени авиони, ниту пак се врши нивно полнење за учество во воени активности“, додаде Рајков.
Според него, нотата не треба да се користи како причина за зголемени стравувања за можно вовлекување на земјата во воени конфликти.
