Во Пловдив беше откриен споменик на бугарската фудбалска легенда Динко Дерменџиев – Чико
На 1 мај 2026 година, седум години по неговата смрт, беше откриен споменик на бугарската фудбалска легенда Динко Дерменџиев – Чико. Споменикот се наоѓа пред стадионот Стадион „Христо Ботев“ во Пловдив, јавува Актуално.
Дерменџиев целата своја професионална кариера ја поминал во фудбалскиот клуб „Ботев“ Пловдив, каде подоцна бил и тренер во неколку наврати.
Од клубот соопштија: „1 мај 2026 година ќе остане засекогаш во историјата на Ботев Пловдив. Малку по 17:00 часот свечено беше откриен споменикот на Динко Дерменџиев – Чико. Големиот фудбалер на ‘жолто-црните’ беше овековечен пред најубавиот стадион во Бугарија – стадион ‘Христо Ботев’ во Пловдив. Стотици навивачи, јавни личности, градоначалникот и соиграчи на Чико беа сведоци на историскиот момент. Првиот тим на Ботев Пловдив, предводен од Л’чезар Балтанов и Тодор Неделев, положи венец пред споменикот. На настанот присуствуваа синот, сопругата и сестрата, на големиот фудбалер како и легендата на Локомотив Пловдив – Христо Бонев. Поклон пред споменот на големиот Динко Дерменџиев!“
Во бугарската А група, Дерменџиев има одиграно 447 натпревари и има постигнато 194 голови.
