Герапетритис: Европската интеграција на Западен Балкан е приоритет, но зависи од демократијата, владеењето на правото и добрососедските односи
Грчкиот министер за надворешни работи Јоргос Герапетритис изјави дека напредокот на кандидатурите на земјите од Западен Балкан за членство во Европската унија ќе биде водечки приоритет за време на грчкото претседателство со Советот на ЕУ во втората половина на 2027 година, јавува БГНЕС.
По разговорите во Сараево со министерот за надворешни работи на Босна и Херцеговина, Елмедин Конаковиќ, Герапетритис изјави дека Грција ќе работи на постигнување конкретен напредок во процесот на проширување.
Тој ја потврди долгогодишната поддршка на Атина за европската интеграција на регионот, но нагласи дека пристапувањето зависи од исполнувањето на стандардите на ЕУ за демократија, владеење на правото и добрососедски односи.
Герапетритис соопшти и дека во октомври ќе бидат обновени директните летови меѓу Атина и Сараево.
