Арсовска: Имаме заедничка определба да создаваме општество каде на секое дете ќе му биде овозможена подеднаква грижа

Вчера градоначалничката на Град Скопје, Данела Арсовска присуствуваше на годишниот настан за доделување на признание на најголемите поддржувачи на СОС Детско село.

Арсовска во своето обраќање истакна дека Градот Скопје и понатаму ќе дава поддршка на активностите за развој на личните потенцијали и општествените вредности на своите граѓани а особено за најмладите бидејќи грижата за најмладите е грижа за нашата иднина.

“Изминатиот период имав прилика да се запознаам со дел згрижувачките семејства кои безрезервно ја даваат својата љубов и грижа со цел децата да ги пребродат сите предизвици кои им се испречуваат на патот. Наша заедничка определба е сите заедно да работиме и да создаваме општество каде секое дете ќе има подеднакво среќа, поддршка,едукација, родителска грижа и љубов.