Бајрами: Обвинителството регистрираше случаеви на поткуп на гласачи и фотографирање на гласачки ливчиња
Јавните обвинителства за време на изборниот ден најчесто евидентирале пријави за поткуп на гласачи и фотографирање на гласачки ливчиња, информира претседателот на привремената комисија на ЈОРСМ, Џељаљ Бајрами. Тој истакна дека иако бројот на инциденти е мал, веднаш се преземени постапки за нивно расчистување.
Во повеќе градови се истражуваат случаи на поткуп и влијание врз гласачи, а во Скопје и други општини се регистрирани инциденти со фотографирање на ливчиња и нарушување на тајноста на гласањето. Бајрами оцени дека изборниот ден генерално поминал мирно, но обвинителствата остануваат подготвени да реагираат на секој сигнал за нерегуларности.
