Беласица Скај Ран ќе се одржи оваа сабота кај Петрич

Оваа сабота, во близина на Петрич, ќе се одржи планинската трка „Беласица Скај Ран“, која е дел од Државниот календар по скајранинг и е сертифицирана од ITRA (Меѓународната федерација за планинско трчање). Финалистите ќе добијат квалификациски поени за престижната трка „Обиколката на Монблан“ (UTMB), јавува БНР.

Стартот на трката е во селото Самуилово, а целта – во Петрич. Трасата е долга 32,9 километри со 1.950 метри искачување, и минува по гребенот на една од планините со највпечатливи панорами на Балканскиот Полуостров. Учесниците ќе можат да уживаат во погледи кон три држави – Бугарија, Република Северна Македонија и Грција, како и кон трите највисоки планини на Балканот – Рила, Олимп и Пирин. На патеката ќе се видат и езерата Дојранско и Керкини, како и живописната долина на реката Струма со нејзините убави селца во подножјето на планината. Дел од трасата минува низ вековни шуми од костен, симбол на планината Беласица.

Организаторите најавуваат идеални временски услови за натпреварување – температури од 7–8 степени во највисоките делови и до 20 степени во Петрич, без присуство на снег по патеката.

За учесниците ќе биде обезбеден организиран транспорт од Петрич до с. Самуилово, каде што е стартот, а не е потребна претходна пријава.