Благоевград одбележа 153 години од смртта на Васил Левски
Со воени почести, поворка и ритуал во чест на Апостолот на бугарската слобода Васил Левски, Благоевград одбележа 153 години од неговата смрт, јавува Пиринско.
На 18 февруари во 17:30 часот на плоштадот „Македонија“ се собраа стотици ученици и наставници, претставници на институции и граѓани, кои се упатија кон бистата-споменик на Васил Левски.
Церемонијата започна со парада на знамиња и почесна гарда, придружени од Биг Бенд – Благоевград. Се изведе и Химната на Република Бугарија.
Децата од ДГ бр. 6 „Среќно детство“ претставија литературно-музичка програма и ја изведоа „Кажи ми, горо“.
Учество во ритуалот зедоа војници од 3-то бригадно командување, претставници на Регионален клуб „Традиција“ и Здружение „14-ти пешадиски полк“, а солистката на Фолклорниот ансамбл „Пирин“ Милена Пиштолска-Увалиева ја изведе песната „Излел е Дељо хајдутин“.
Во знак на почит пред бистата-споменик на Васил Левски венци и свежо цвеќе положија градоначалникот на општина Благоевград Методи Бајкушев, заменик-обласниот управител Христо Ангелов, претседателката на Општинскиот совет Антоанета Богданова, воени лица, претставници на храмот „Воведение Богородично“, образовни установи, културни институции, политички партии, општественици и граѓани.
Церемонијата заврши со „Ботев марш“, изведен од Биг Бенд – Благоевград.
Општина Благоевград им се заблагодари на сите што учествуваа во ритуалот по повод 153 години од смртта на Васил Левски.
