БОРИСОВ: ИСПРАЌАМЕ УСПЕШНА ГОДИНА, НАЈВАЖНИТЕ ЛУЃЕ ВО СВЕТОТ ПОЗИТИВНО ЈА ОЦЕНИЈА БУГАРИЈА
„Испраќаме успешна година, со силен економски развој, стабилни финансии, со постојан пораст на приходите. Од Папата до Белата куќа, најважните луѓе во светот дадоа позитивна оценка за Бугарија, имаме етнички мир, а регионите се развиваат брзо“, изјави бугарскиот премиер Бојко Борисов за време на прегледот на санираните над 36 км од третокласниот пат III-866 Кричим – Михалково – Смолјан, соопшти владината прес-служба.
Инвестицијата за трасата е во рамките на оперативната програма „Региони во развој“ и изнесува над 52 милиони лева.
