„Бугарската Атина“ низ очите на белгиски аристократ

Барон Де Лавел со исклучителна компетентност и исправност ги претставува историјата, културата, јазикот и традициите на бугарскиот народ.

Нема жител на Софија кој барем еднаш во животот не поминал покрај улицата Де Лавел, но малкумина знаат за придонесот на овој странец за Бугарија.

Емил Де Лавел бил белгиски аристократ роден во богатиот град Бриж во 1822 година. Тој е познат политички економист, професор на Универзитетот во Лиеж. Де Лавел беше хуманист и еден од основачите на Институтот за меѓународно право.

Барон де Лавел е жесток бранител на бугарската кауза. Во почетокот на 80-тите години на XIX век бил испратен како конзул во Белград. Патува во Бугарија и детално ги опишува Софија, Пловдив, Одрин и Македонија. Своите патувачки белешки ги објавил во два тома наречени „Балканскиот полуостров“.

Барон Де Лавел со исклучителна компетентност и исправност ги претставува историјата, културата, јазикот и традициите на бугарскиот народ. Со своите публикации го обликувал односот на Европејците кон Бугарите.

Куриозитет е моментот што како конзул во Пловдив, Барон Де Лавел го сподели незадоволството на пловдивчани од изборот на Софија за главен град на Кнежеството Бугарија. Позната е неговата фраза: „Пловдив е бугарска Атина“. Во Софија преовладуваат селаните, а овде (Пловдив) – интелигентната класа“.

Фото: БГНЕС