Бугарската народна банка пушта златна монета „Св. Иван Рилски“ од 100 евра
Бугарската народна банка (БНБ) од 12 октомври 2026 година ќе пушти во оптек златна колекционерска монета „Св. Иван Рилски“ со номинална вредност од 100 евра, од серијата „Бугарска иконографија“, јавува БНТ.
Продажната цена на монетата при нејзиното пуштање во оптек ќе изнесува 1.508 евра.
Монетата ќе се продава на четири шалтери во централната зграда на БНБ во Софија, на плоштадот „Кнез Александар I“ бр. 1, како и на четири шалтери во Касовниот центар на БНБ, на улицата „Михаил Тенев“ бр. 10.
Секој клиент ќе може да купи само по една монета од шалтерите на БНБ, без разлика дали ја купува во свое име и за своја сметка или во име и за сметка на друго лице.
За купување на златната монета во име и за сметка на друго лице ќе биде потребно изречно нотарски заверено полномошно.
Доколку клиент како физичко лице купи монета од БНБ, нема да може да купи уште една како претставник на правно лице. Истото ограничување важи и во обратниот случај.
Монетите нема да се продаваат на лица помлади од 18 години.
