Бугарски студенти во Атина ја претставија својата култура

Петмина бугарски студенти на размена преку програмата „Еразмус+“ во Атина одржаа презентација за бугарскиот јазик, историја, географија и фолклор, јавува БНР. Настанот беше поддржан од Бугарското неделно училиште „Св. Св. Кирил и Методиј“ во Атина, а настап имаше и фолклорната танцова група „Луди-Млади“.

Како што пренесе БТА, директорката на училиштето Мими Ничева истакна дека преку културното претставување студентите ја афирмирале идејата за единство. Студентот Мартин Пашалиев нагласи дека традициите и културата се клучни за градење на личниот идентитет и дека настанот поминал во духот на заедништвото.

Иницијативата е организирана од Еразмус студентската мрежа (ESN) при Националниот универзитет во Атина и бугарските „Еразмус+“ студенти.