Дојранското Езеро пред нова еколошка криза
Нивото на Дојранското Езеро веќе речиси година дена е 80 сантиметри под договорениот минимум, со водната линија повлечена десетина метри од шеталиштето. Хидросистемот „Спас за Дојран“, кој требаше да обезбеди доток на вода од Ѓавато, е целосно нефункционален — ниту една од десетте пумпи не работи, а каналот е пресушен.
Општината нема ингеренции, а Министерството за животна средина сѐ уште не обезбедило средства за реконструкција. Најавена е студија по која системот би преминал под надлежност на АД „Водостопанство“.
Туризмот и угостителството веќе трпат загуби, а локалните жители се плашат од повторување на еколошката катастрофа од почетокот на векот.
