Европската одбрана нуди можности за бугарските производители

Информативен семинар на тема „Европската одбрана и можностите на бугарскиот бизнис во развојот и производството на одбранбени производи“, ќе се одржи денеска во организација на Бугарската стопанско-индустриска комора, јавува БНР. Настанот има за цел да ги запознае малите и средните иновативни претпријатија, технолошките центри и академската заедница со новите можности за учество во европски проекти поврзани со развојот на современи одбранбени технологии.

„Главната цел е да се запознаат бугарските иновативни фирми, технолошките центри и универзитетите со можностите за вклучување во заеднички европски проекти за развој на одбранбени производи базирани на најновите технологии“, се наведува во соопштението.

Фокусот ќе биде ставен на секторите комуникација, медицина, роботски системи, дронови, поморски системи, квантни технологии, „паметни материјали“, сајбер безбедност, вештачка интелигенција итн.