Фатен крадец на дело во Струмица, затекнат при извршување кражба во црква
Полицијата уапси крадец во Струмица, затекнат при извршување кражба во католичката црква Успение на Пресвета Богородица.
На 17.03.2026 во 23:40 часот во Струмица, полициски службеници од СВР Струмица го лишија од слобода С.Х.(26) од Струмица.
Тој е затекнат при извршување „тешка кражба“ во католичката црква Успение на Пресвета Богородица, при што одзел пари.
Крадецот со употреба на сила влегол во црквата, а откако било пријавено полициските службеници го затекнале на местото и го уапсиле.
Со него бил и неговиот малолетен син, по што е известен Центарот за социјални работи Струмица, кој го предал детето на неговата баба. С.Х. е задржан во полициска станица, известен е јавен обвинител и по целосно документирање на настанот, против него ќе биде поднесена соодветна пријава.
ж
