Градоначалникот на Благоевград го отвори фестивалот „Шарено цвеќе“ со над 1.000 деца од Бугарија, Северна Македонија, Грција и САД
Градоначалникот на Благоевград, Методи Бајкушев, го отвори VI Меѓународен детски фолклорен фестивал „Шарено цвеќе“, кој го претвори градот во сцена на талент, традиции и пријателство меѓу народите. На плоштадот „Македонија“ настапија деца од Бугарија, Република Северна Македонија, Грција и САД, јавува Пиринско.
Пред официјалното отворање, учесниците продефилираа во фестивалска поворка низ центарот на градот, а фолклорните ансамбли во автентични носии придонесоа за празничната атмосфера.
На фестивалот, на кој учествуваат повеќе од 1.000 деца, Бајкушев истакна дека ваквите настани се важни за зачувување на културните традиции и за поттикнување на пријателството меѓу младите од различни земји.
„Фолклорот е вистинската врска меѓу минатото, сегашноста и иднината. Највредно кај ваквите иницијативи е што учиме да комуницираме и да се разбираме со луѓе од различни култури“, изјави градоначалникот.
Фестивалот продолжува денеска со програма од 9:30 часот и вечерни настапи од 18:00 часот.
