ИНТЕРПОЛ: ОРГАНИЗИРАНИ КРИМИНАЛНИ ГРУПИ МОЖЕ ДА ПРОДАВААТ ЛАЖНИ ВАКЦИНИ
Интерпол испрати глобално предупредување до своите членки, 194 држави, да се подготват за можноста дека целта на организирани криминални групи може да биде вакцина против ковид-19.
„Додека владите се подготвуваат да дистрибуираат вакцини, глобалните организации планираат да се инфилтрираат или да ги прекинат синџирите на снабдување“, рече генералниот секретар на Интерпол, Јирген Сток.
Криминалните мрежи ќе се обидат да ја измамат јавноста, преку лажни веб-страници и фалсификувани лекови, што може да претставува значителен ризик за здравјето, па дури и за животот, предупреди Сток.
