„Крај Марица“ – нов спектакл на Ансамблот „Тракија“

Фолклорниот ансамбл „Тракија“ го претставува својот нов музичко-танцов спектакл „Крај Марица“, посветен на фолклорните традиции по течението на реката Марица во Бугарија, јавува БГНЕС.

Премиерата ќе се одржи на 16 февруари во Домот на културата „Борис Христов“, а поради големиот интерес следна изведба е закажана за 8 март 2026 година.

Спектаклот опфаќа две етнографски области и повеќе региони, со автентични ора, мелодии и обредни елементи, претставени преку нови авторски дела, современа сценографија и мултимедија.

Во реализацијата учествуваат оркестарот под диригентство на Николај Паскалев, хорот и солистите на ансамблот. Костимите се изработени во ателјеата на Стариот град.

Проектот се реализира во рамки на програмата „Нематеријално културно наследство“ на Министерството за култура и го истакнува културното богатство на реката Марица.