Лија Петрова за првпат ќе свири на сцената во главниот град со виолината „Гарнери“

Виолинистката Лија Петрова за прв пат ќе свири на виолина „Гарнери дел Џезу“ на сцената во главниот град на хуманитарен концерт за поддршка на децата и младите лишени од родителска грижа, најави музичарката. Настанот ќе се одржи на 12 февруари во Градската уметничка галерија во Софија, која е коорганизатор заедно со Фондацијата „Ѕвездата на надежта“.

На концертот настапуваат и Људмил Ангелов, Филип Ангелов, Калина Андреева, Ивајло Василев, Димитар Горчаков, Симеон Гошев, Атанас Крастев, Богомила Крастева, Сибила Петрова, Борислава Танева, Кристина Хинова, Стефанија Јанкова.

„Исклучително сум возбудена што по 50 години во рацете на Стојка Миланова ќе имам можност за прв пат да свирам на овој неверојатен инструмент пред софиската публика“, изјави Лија Петрова.

Таа и Светлин Русев ги добија виолините „ Гарнери дел Џезу“ (1733) и „Страдивариус“ (1716) на официјална церемонија на 29 октомври минатата година од в.д. министерот за култура, маестро Најден Тодоров. Инструментите се сопственост на бугарската држава, а претходно на нив свиреле проф. Стојка Миланова и проф. Минчо Минчев.

Петрова и Русев заработија право да свират на нив во следните пет години.

Фото: БНР