МАНЧЕВСКИ ТВРДИ ДЕКА ВРАБОТУВАЊАТА ВО ДРЖАВНАТА АДМИНИСТРАЦИЈА НЕМААТ ВРСКА СО НАЈАВЕНИТЕ ИЗБОРИ
„Вработувања имало и ќе има и тие се во согласност со годишните програми и потреби на институциите. Немаат никаква врска со изборите. Се работи за редовна активност што се случуваше и кога немаше најавено избори“, изјави денеска министерот за информатичко општество и администрација Дамјан Манчевски, одговарајќи на новинарско прашање во врска со новите огласи за вработување, распишани на неколку месеци пред парламентарните избори.
