|

Нема опасност по Зрзе и Кошино – пожарникарите се’ уште се борат да го стават огнот под контрола

Нема опасност по манастирот и селото Зрзо, ниту по селото Кошино во чијашто близина попладнево избувнаа силни пожари.

Директорот на Центарот за управување со кризи, Стојанче Ангелов вели дека двата ер трактори на ДЗС и хеликоптерот на МВР помогнале да бидат ставени под контрола краците кои ги загрозуваа двете села во општината Долнени, но останатите краци се’ уште се разгорени.

Претходно, Ангелов објави дека пожарот избил над Манастирот Зрзе, на висок и непристапен терен. Гори висока трева, нискостеблеста шума како и дабова шума и шума од габер, а постоеше закана пожарот да се приближи и кон селото Зрзе.

Вториот пожар е над селото Кошино каде што покрај висока сува трева, како што беше соопштено, гори и квалитетна дабова шума а пожарот, а пред неколку часа огнот се приближи на околу 300 метри од првите куќи, пред да стигнат возухопловите.

На терен се и прилепските пожарникари.

Слични Објави