НСИ: Населението на Бугарија е 6 437 360 жители

До 31 декември 2024 година населението на Бугарија изнесува 6 437 360 жители – мажите се 3 095 140 или 48.1% од населението, а жените – 3 342 220 или 51.9% од Бугарите, јавува БГНЕС.

Во 2024 година сите области во земјата имаат негативен природен прираст, покажуваат податоците на НСИ за население и демографски процеси во земјата, објавени уште во април оваа година, но од денес се пренесени во нова рубрика на националната статистика.

На крајот на 2024 година населението на Бугарија е 6 437 360 жители.

Во изминатата година живородени деца во земјата се 53 428. Децата до 15 години се 901 843, или 14.0% од вкупниот број на населението.

Населението во работоспособна возраст е над 3,7 милиони жители или 58.5% од населението на земјата, при што мажите се повеќе од жените.

Бројот на починати лица во 2024 година е 100 736.

Со население над 100 илјади жители има шест градови во земјата, во кои живеат 35.5% од населението на земјата. Во градовите живеат 4 744 111 жители, или 73.7% од населението, а во селата – 1 693 249 жители, односно 26.3% од населението на земјата.

Најмала по население е областа Видин со 70 542 жители, а најголема е областа Софија (главен град) – со 1 295 931 жители.

199 населени места во Бугарија немаат жители, а најмалата општина е Трекљано со 522 жители.