Организации на македонските Бугари ја повикуваат Бугарија да не ја менува својата позиција во однос на РС Македонија

Организациите на македонските Бугари во писмо до претседателот Румен Радев, премиерот Кирил Петков, претседателот на НС Никола Минчев и партиите застапени во Народното собрание бараат Бугарија да ја зачува својата јасна и категорична позиција во однос на почетокот на преговорите за влез во ЕУ на РС Македонија.

Македонските Бугари од организациите „КЦ Иван Михајлов“-Битола, здружение „Трибуна“- Прилеп, МБП-Скопје, „Коридор 8“-Скопје, „Интеракција“-Охрид, „Единство“-Кочани и партијата Граѓанско Демократска Унија апелираат да не се прават отстапки по прашањето за нивната рамноправност во Република Северна Македонија, што, според нив, не може да биде предмет на преговори и постапката за промена на Уставот, со цел Бугарите да бидат рамноправни со сите други делови од народи да започне веднаш.

Во пресрет на 30-годишнината од првото признавање на независна Република Македонија од страна на Бугарија, македонските Бугари се надеваат дека политичарите и општествата од двете страни на границата ќе најдат мудрост заеднички да го продолжат својот европски пат.

Целосниот текст на писмото на македонските Бугари, можете да го прочитате овде.