Османи по оставката на професорот Ѓорѓиев: МНР никогаш не правело притисок врз Комисијата за историски прашања со Бугарија

/

Министерот за надворешни работи тврди Бујар Османи тврди дека МНР никогаш не правело притисок врз Комисијата за историско-образовни прашања за преговорите со Бугарија. Ова доаѓа откако историчарот Ванчо Ѓорѓиев се повлече од Комисијата и порача дека се вршел притисок од МНР.

„Министерството за надворешни работи никогаш не правело притисок по однос на содржината на разговорите и одлуките што ги носат членовите на Комисијата за историско-образовни прашања со Република Бугарија. Вчера се одржа првиот ден од средбата. Се надевам дека денеска ќе има прогрес, членовите на Комисијата имаат прво и да се повлечат или да останат, и порано имаше неколку членови коишто се повлекоа заради различни причини, меѓутоа овој процес продолжува и ги охрабрувам членовите на Комисијата да се обидат да најдат решение за да се оди напред во договарањето. Министерството е координатор, го води овој процес на разговори со Република Бугарија и е надлежна институција за имплементација на Договорот од 2017 година. Во однос конкретно на работата на Историско-образовната комисија, МНР логистички ја поддржува Комисијата и затоа состанокот се одржува овде во МНР, ресурсите ги обезбедува Министерството, Комисијата има договор потпишано со Министерството и оттука е односот на Министерството кон работата на Комисијата. Но, никогаш во однос на содржината, делокругот на работата на самата Комисија, изјави Османи.



Извор: Zoom. mk

Претходна статија

Шилегов: Скопје го менува својот лик, Скопје стана град кој ги поврзува сите граѓани

Следна статија

Реакција на Комисијата за историски прашања со Бугарија, откако се повлече проф.д-р Ванчо Ѓорѓиев

Најново од Вести