Повеќе од 63% од украинските студенти во Бугарија се етнички Бугари

Според податоците на Министерството за образование на Бугарија, во академската 2024/2025 година во бугарските високообразовни институции се обучуваат 2.104 студенти од Украина. Од нив, 1.750 се запишани во програми за „бакалавар“, 304 во магистерски програми, а 50 следат докторски студии, јавува Радио Бугарија.

Од вкупниот број, 1.287 студенти се запишале согласно указот за странски државјани со бугарско потекло, додека 43 лица имаат двојно државјанство, од кои едното е бугарско.

Еден од студентите е Игор Соловјов, 22-годишен студент од Украина, кој пристигнал во Бугарија по почетокот на руската агресија. Тој изјави за БТА дека, во споредба со украинските универзитети каде образованието е повеќе теоретско, во Бугарија наставата е практично насочена.

Игор сподели неколку совети до идните студенти од Украина со бугарско потекло кои планираат да аплицираат во Бугарија:
„Најпрво проучете ја документацијата – указите и законите што се однесуваат на етничките Бугари во странство. Следете ја актуелната информација и консултирајте се со луѓе кои веќе имаат искуство. Учете бугарски јазик пред аплицирањето – тоа многу ќе помогне за полесна адаптација. И најважно – не плашете се да се обидете и барајте можности,“ вели бесарабскиот Бугарин.