Премиерите на Бугарија и Молдавија, ќе ја посетат филијалата на Русенскиот универзитет во Тараклија

Премиерите на Бугарија и Молдавија, Росен Желјазков и Дорин Речан, на 27 јули ќе ја посетат филијалата на Русенскиот универзитет „Ангел К’нчев“ во молдавскиот град Тараклија, јавува БНР.

Настанот ќе почне во 16:00 часот во зградата на универзитетот, каде што е предвидена свечена програма посветена на бугарско-молдавската соработка во високото образование, соопштуваат од регионалната управа на Тараклија, пренесува БТА.

Домаќини на настанот ќе бидат бугарската амбасадорка во Молдавија, Маја Добрева, претседателот на регионот Тараклија, Лазар Дерменжи, и ректорката на Русенскиот универзитет, доц. д-р Десислава Атанасова.

Филијалата на Русенскиот универзитет „Ангел К’нчев“ во Тараклија е единствената високообразовна институција во Молдавија каде наставата се одвива на бугарски, романски и англиски јазик.