Претставници на македонските Бугари ќе се сретнат со еврокомесарот Оливер Вархеји
Комесарот за соседство и проширување на Европската унија Оливер Вархеи ќе се сретне со претставници на македонските Бугари, јавува БГНЕС.
Средбата ќе се одржи неделава во Брисел на барање на македонските Бугари поради институционалната омраза и систематската дискриминација кон нив во Република Северна Македонија. Разговорот со Вархеји ќе се случи само една недела по бруталното претепување на Христијан Пендиков во Охрид. Пендиков моментално се лекува на Военомедицинската академија во Софија, каде му беше извршена и операција на вилицата. Тој има повреди на градниот кош, кичмата и ребрата.
Македонските Бугари во своето писмо до еврокомесарот Вархеи истакнаа дека во нивната татковина нема желба за дијалог со нив од страна на локалната и централната власт.
„Секојдневната стигматизација на нашата бугарска заедница и неможноста за воспоставување дијалог со локалните и националните власти создаваат предизвици за нашата заедница кои често ги надминуваат нашите индивидуални и колективни можности. Искрено се надеваме дека дијалогот со вас ќе придонесе за намалување на секојдневниот притисок врз нас – граѓаните на РСМ, кои не се плашат, и покрај ризикот од дискриминација и говор на омраза, отворено да го браниме нашето македонско бугарско наследство и идентитет“, се вели во писмото.
Во делегацијата ќе учествуваат Петар Колев, Георги Трендафилов и Љупчо Георгиевски.
