Приближно 3 милиони Бугари живеат надвор од границите на Бугарија

Во светот има околу 2,8 милиони Бугари. Податоците се од Министерството за надворешни работи, на барање на Народното собрание за најнови информации за бројот на припадниците на бугарската дијаспора по земји и население.

Министерот за надворешни работи Николај Милков во својот одговор посочува дека бугарските државјани не се обврзани да се пријават во нашите дипломатски претставништва во странство и МНР нема точни податоци за бројот на бугарски државјани во странство, а во голем број земји постои недостаток на официјална статистика во овој поглед.

Според неофицијални податоци, најголема бугарска дијаспора се наоѓа во Турција – меѓу 600 и 700 илјади бугарски државјани, потоа следи Германија со регистрирани 410.885 бугарски државјани, па Велика Британија со 389.270, САД со 350.000, Шпанија со 215.000. Во Русија официјално се регистрирани само 867 бугарски државјани.

Според официјалната статистика во Бугарија, по пописот на населението во 2021 година е утврдено дека во земјата живеат нешто повеќе од 6,5 милиони луѓе.