|

Романскиот претседател: Русија продолжува да претставува најголема закана за безбедноста на Европа

Романскиот претседател Клаус Јоханис денеска изјави дека Русија ќе продолжи да претставува најголема закана за безбедноста на Европа и дека земјите од НАТО мора да бидат подготвени да дејствуваат соодветно.

„Русија ќе продолжи да претставува најголема опасност за нашите земји и за безбедноста на Европа.

Мора да бидеме подготвени да дејствуваме соодветно! Ние, сојузниците на НАТО од источното крило, сме на првата линија на отфрлање на негативните ефекти од оваа разорна војна“, рече Јоханис во летонската престолнина Рига за време на самитот во Букурешт 9 (Б9).

Тој истакна дека земјите од источното крило мора да имаат поголема солидарност, соработка и дијалог, како и дека Б9, романско-полската иницијатива за источното крило на НАТО, формирана во 2015 година по анектирањето на Крим од страна на Русија, значително придонесе за зајакнување на одбраната на НАТО во регионот на Црното Море до Балтичкото Море.

„Мораме да останеме фокусирани на подобрување на безбедноста на источното крило на НАТО, особено во регионот на Црното Море, бидејќи на овој начин ќе ја зајакнеме регионалната и евроатлантската безбедност на сите 32 сојузнички земји“, рече Јоханис.



Слични Објави