Софискиот универзитет „Св. Климент Охридски“ останува првенец меѓу останатите високообразовни институции во Бугарија

Софискиот универзитет „Св. Климент Охридски“ ја доби Големата награда на Десеттата јубилејна свеченост на Академските Оскари за најдобро рангиран универзитет според Ранкинг-системот на високото образование во Бугарија. Алма матер е на прво место во 22 од вкупно 52 професионални насоки, јавува БГНЕС.

Податоците за 2025 година покажуваат подобра реализација на дипломираните на пазарот на трудот – невработеноста меѓу оние што дипломирале во последните пет години е 2,2%, а просечниот оданочлив доход достигнува 2771 лева, наспроти 980 лева пред десет години.

Меѓу наградените се и Великотрновскиот универзитет, Тракискиот универзитет, Медицинскиот универзитет – Софија, УНСС, Американскиот универзитет во Бугарија, како и други водечки високообразовни институции.

Церемонијата ја отвори претседателката на Бугарија Илијана Јотова, а присуствуваа претставници на академската заедница, институциите и бизнисот.