Тагарев: Ризиците од Русија остануваат, но поголем проблем ќе биде ако таа победи

Буџетот за одбрана годинава е поголем за 800 милиони лева во однос на минатата, а следната година ќе биде за 800 милиони лева поголем од годинава. Ова го изјави министерот за одбрана на Бугарија Тодор Тагарев.

Овие расходи ги покриваат трите големи воени проекти за воздухопловните сили, армијата и морнарицата. Тоа се многу големи проекти за кои ќе требаат години да се исплатат. За овие три големи проекти веќе се дадени 9 милијарди лева, објасни министерот за одбрана на Бугарија за Бугарската национална телевизија, пренесува БГНЕС.

Тој посочи дека во првиот квартал на 2025 година треба да пристигнат авионите Ф-16, а од средината на 2025 година ќе почнат да пристигнуваат и оклопните возила „Страјкер“. Ќе видиме како бугарската војска се трансформира за кратко време“, рече Тагарев.

Според него, треба да инвестираме во противвоздушни ракетни комплекси, во крајбрежни ракетни комплекси. „Ќе започнеме и помали проекти поврзани со купување и производство на дронови“, додаде тој.

Тагарев рече дека поради војната на Русија против Украина, заканата за Бугарија останува, иако вниманието неодамна се префрли на Газа. Тој прецизираше дека заканите се поврзани со слободата на пловидба, морските мини, дроновите итн. „Ризиците остануваат за нас, но тоа не е наш голем проблем. Ако Русија победи во оваа војна, ќе поминат само неколку години и таа ќе продолжи со својата агресивна политика. Затоа наш стратешки интерес е Украина да победи“, објасни министерот Тагарев.

За состојбата на фронтот, тој истакна дека се водат многу тешки борби, секој ден умираат по 1000 луѓе од едната страна, не знаеме колку има од другата страна, нема територијални промени. „Украина не може да оди напред бидејќи нема авијација. Во оваа ситуација тешко е да се зборува за контраофанзива“, додаде министерот Тагарев.

На актуелната тема Споменикот на советската армија и неговото отстранување, тој истакна дека споменик не е точното име. За заканите од Русија, а поконкретно за портпаролката на руското МНР, Марија Захарова Тагарев само истакна дека тоа е нејзина работа. „Но, отстранувањето е наша одлука. Наше е да одлучиме што ќе правиме со оваа композиција во центарот на Софија, местото и е во некој музеј“, рече Тагарев.

Тој рече дека е многу чудна идејата да се покани рускиот амбасадор на интервју.

„Тешко ми е да замислам дека во 1940 година Би-Би-Си ќе емитува интервју со германскиот амбасадор. Не гледам потреба од тоа што го кажува државата која нѐ прогласила за непријател“, рече Тагарев.