Театарот на Епидавр: звукот што допира до боговите

Опкружен со ридови и скриен со шуми, на полуостровот Пелопонез во Грција, постои театар од четвртиот век п.н.е., чија сцена го познава првиот голем драматург на човештвото – Есхил, и голем број брилијантни умови на антиката, меѓу кои и Еврипид.

Античкиот театар на Епидавр е атракција за илјадници туристи секоја година. Покрај тоа што е најдобро зачуваниот амфитеатар во цела Грција, Епидавр е познат и по својата единствена акустика. Ако некој застане на точката на средината на сцената, неговиот глас може да се слушне меѓу 15.000 публика без помош на никакви засилувачи. Или ако седнете да гледате претстава, на актерите не им требаат микрофони, вели репортерот на БГНЕС.

Во Античка Грција речиси сè се правело во чест на боговите. Значи, иако гледањето театар беше пријатна форма на забава, тоа исто така имаше цел. Театарот служел како начин да му се оддаде почит на Асклепиј. Асклепиј, синот на Аполон, е грчкиот бог на лекувањето и медицината и тој е причината поради која античкиот локалитет се нарекува Светилиште на Асклепиј, чиј дел е и амфитеатарот.

Оригиналниот изглед на амфитеатарот претрпе промени во римската ера, комплетиран со 21 река до постоечките 34 реда. Типичен за антиката, но нетипичен за римските амфитеатри, театарот е на рид со прекрасна панорама.

Одличната акустика во голема мера се должи на изградбата на самиот театар. Тоа е светско наследство на УНЕСКО.

Денес, античкиот театар е фокусна точка на еден од најважните настани во грчкиот културен календар – годишен уметнички фестивал (од мај до октомври) за време на кој илјадници луѓе се собираат во амфитеатарот на претстави. Минатата година изданието беше посветено на Марија Калас.

Фото: БГНЕС