Три жртви во земјотрес со јачина од 7,6 степени во Папуа Нова Гвинеја

/

Најмалку три лица загинаа во силен земјотрес со јачина од 7,6 степени што ја погоди Папуа Нова Гвинеја.

Според локалните власти, земјотресот се случил утрово, има повредени, а оштетена е и инфраструктурата.

Три лица загинаа во лизгање на земјиште во градот Вау.



Директорот на Центарот за катастрофи во провинцијата Мороб, Чарли Масанж, изјави дека се уништени здравствени установи, домови и патишта и додаде дека може да биде потребно извесно време за да се процени штетата.

Тој истакна и дека на тој дел од островот нема многу граѓани и високи згради во близина на епицентарот и поради тоа е избегната катастрофа со оглед на тоа што земјотресот бил многу силен.

Претходна статија

СДСМ: Владата има јасен план за пребродување на кризниот период

Следна статија

Поворката со ковчегот со телото на кралицата тргна од Балморал за Единбург

Најново од Вести