Трифонов: Петков го игнорира Договорот за РС Македонија, ИТН нема да се согласи со кревање на ветото

//

Премиерот Кирил Петков се обидува да го игнорира коалицискиот споразум по темата за РС Македонија и да го отфрли ветото на Бугарија без никакви услови. Ова преку својот профил на facebook го напиша лидерот на ИТН Слави Трифонов.

„Сакам да ви кажам нешто. Ќе го направам како што го правам секогаш, отворено и чесно. Независно на која партија симпатизирате, независно за која партија сте гласале, независно дали воопшто сте гласале. Има нешто што сите вие граѓани на Бугарија да го знаете. Како што знаете пред да се создаде оваа Влада ние 4 те партии во коалицијата одржавме преговори и потпишавме коалициски споразум. Во него во делот надворешна политика сите се согласивме дека Бугарија ќе ја зачува досегашната позиција во однос на РС Македонија. Тоа значи дека почетокот на преговорите на РС Македонија со ЕУ ќе се случи тогаш кога тие ќе почнат да го спроведуваат Договорот од 2017 година. За жал, премиерот Кирил Петков сака да го игнорира овој споразум и да го тргне веттото без никакви услови. Тој сака до крајот на јуни Северно Македонците да започнат преговори со ЕУ, без да има никакви правни гаранции за правата на Бугарите во таа држава. Морам да прецизирам дека тој тоа го прави без да ги усогласи своите активности со дипломатите од МНР, со Парламентот и со коалициските партнери“, пишува Трифонов.

„Ние од ИТН и јас како граѓанин на Бугарија сметаме дека има нешта со кои не може да се тргува. Националната чест и достоинство не се за продавање. Истото важи и за правата на Бугарите во РС Македонија. Историската меморија и вистина, не се за продавање. Тоа е моето мислење и се надевам дека и вие мислите така. Ние едноставно сме Бугари. Токму затоа ние од ИТН нема да се согласиме со безусловното и договорено некаде во темни доби кревање на ветото за Северна Македонија.“, стои во објавата на Трифонов.





Претходна статија

Обезбедена е пченица од Бугарија, се очекува деновиве и Србија да ја укине забраната за извоз

Следна статија

Фон дер Лајен пристигна во посета на Бугарија

Најново од Вести