УНИЦЕФ и Националниот статистички институт започнаа дијалог за воведување на ICare во Бугарија
УНИЦЕФ Бугарија и Националниот статистички институт на 11 ноември одржаа семинар за можностите за примена на Меѓународната класификација на алтернативната грижа за деца (ICare) во Бугарија, соопшти УНИЦЕФ Бугарија. Со настанот започна национален дијалог за воведување на овој статистички стандард.
ICare, одобрена од ОН во март 2026 година како меѓународен статистички стандард, обезбедува заедничка рамка за собирање и споредување податоци за децата во алтернативна грижа, кои често остануваат невидливи во официјалната статистика.
„Веродостојните податоци се основата преку која децата стануваат видливи во политиките, програмите и јавните инвестиции“, нагласи претставничката на УНИЦЕФ во Бугарија, Мио Немото.
На семинарот учествуваа претставници на државни институции, академската заедница и граѓански организации.
УНИЦЕФ најави дека ќе продолжи да ги поддржува Националниот статистички институт и партнерите во создавањето посигурна статистичка основа за политики и услуги што го штитат најдобриот интерес на секое дете.
